Кливленд со победа ја освои титулата во Централната дивизија (видео)

Актуелниот вицешампион во НБА лигата, екипата на Кливленд и оваа сезона е еден од најсериозните тимови за освојување на шампионскиот прстен. Леброн и другарите породлжуваат со одличните игри, а тоа го докажаа и на синоќешниот меч против Денвер од 124-91.
„Кралот“ Џејмс со нов трип-дабл (33 поени, 11 скока и 11 асистенции) го одведе својот тим до 50 победи и само 20 порази што е доволно за освојување на титулата во Централната дивизија.
Џеј Ар Смит реализираше 15 поени, Ченинг Фрај постигна 14 поени за Кливленд. Кај Денвер, Вил Бартон со 27 поени беше најефикасен, додека по 11 поени постигнаа тројца кошаркари, Ловерњ, Јокиќ и Херис.

Голден Стејт славеше тесно на гостувањето кај Минесота со 109-104. Дрејмонд Грин со 24 поени најмногу се истакна кај шампионот, додека Стеф Кари броеше 19 поени. Кај Тимбервулфс, Ендру Вигинс со 25 поени ги предводеше домаќините, Тоунс реализираше еден помалку, додека Рики Рубио имаше 20 поени. Шампионот сезонава има скор од 63 победи и седум порази.

Шарлот Хорнетс славеше против Сан Антонио со 91-88 иако имаше негатива од дури 23 поен во текот на натпреварот. Џереми Лин постигна 29 поени за Хорнетс.

НБА резултати:

Шарлот – Сан Антонио 91-88
Кливленд – Денвер 124-91
Минесота – Голден стејт 104-109
Индијана – Филаделфија 91-75
Атланта – Вашингтон 102-117
Детроит – Милвоки 92-91
Бостон – Орландо 107-96
Чикаго – Сакраменто 109-109
Феникс – Мемфис 97-103

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.