Македонија како туристичка дестинација забележува напредок од 14,2 проценти за само една година, со вкупно 485.530 туристи во 2015 година, јавува специјализираната ревија за туризмот „Тур Маг“. Според статситичките податоци кои ги објави ревијата, во 2015 година туристите во Македонија реализирале повеќе од еден милион комерцијални ноќевања (1.036.383), а земјава ја посетиле точно 7.603 Французи.
Францускиот пазар на турстичката понуда за Македонија за само една година забележа пораст од 41,4 отсто, додека 7.603. француски посетители во Македонија оствариле 17.284 ноќевања.
Французите сепак претставуваат само 1,57 проценти од сите туристи кои допатувале во Македонија, но нивното присуство е со најсилен раст. Гостите од Франција беа побројни за 41,4отсто во 2015 година во споредба со претходната година, тие од Холандија (+ 23,4%), Велика Британија (15,7%), Германија (15,4%) и Белгија (+ 14,6%).
Од 2013 година, просечната должина на престојот на Французите во Македонија се зголеми за 21 проценти и просечно тие поминуваат 2,2 ноќи.
Порастот на француските турсти во Македонија се должи на поагресивното македонско турстичко претставување во најголемата туристичка дестинација во светот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
