Во врска со акцијата на МВР за печатење на фалсификувани лични карти и Чаушот, заменик министерот за внатрешни работи Митко Чавков истакна дека се работи за класична криминална организација, здружение кое има широк географски опсег на криминалните активности.
Тој посочи дека и овој пат се потврдува дека е евидентна спрегата на одредени политички структури со класични криминални здруженија.
-Уште пред година и пол дена кога беше лансирана информацијата дека МВР наводно печатело фалсификувани патни исправи, се подготвуваше атмосфера за дискредитација на системот на МВР. Но професионалните структури во рамките на МВР работеа макотрпно и сега овој случај е во судски процес за кој мислам дека е доста напредна фаза. Мислам дека наскоро ќе има проширување на активностите во врска со овие криминални активности и по мое длабоко убедување ќе добие судски расплет бидејќи има апсолутни цврсти докази, рече Чавков.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
