Голден Стејт ита кон рекордот, Кливленд и Оклахома се веќе во плеј-офот (видео)

Актуелниот шампион и лидер во НБА лигата екипата на Голден Стејт продолжува со победите и е се поблиску до рекордот на Чикаго од 72 победи и само 10 порази.
Синоќешната победа од 130-112 над Далас на гостински терен ја одбележаа Стефон Кари и Клеј Томпсон. На 14 меча до крајот сегашниот скор на Голден Стејт е 62 победи и 6 порази, со што му недостасуваат само десет победи за да го израмни рекордот. клахома и Кливленд го потврдија своето место во плеј-офот, по победите против Филаделфија, односно Орландо.

Далас се покажа како достоен противник се до почетокот на последниот период од натпреварот кога потклекнаа пред финалниот налет на шампионот. Најефикасен беше Клеј Томпсон со 39 поени, додека Стеф Кери остана без еден скок за трипл-дабл (31 поен, 10 асистенции и 9 скока).
Поранешниот играч на Вориорси, Дејвид Ли доминираше против поранешната екипа со по 16 поени и скока, а одличен беше и Дирк Новицки со 24 поени и 9 скока.

Расел Вестбрук и Кевин Дурант блескаа во редовите на Оклахома. Вестбрук го запиша 13-от „трипл-дабл“ во сезоната со 20 поени, 15 скока и 10 асистенции, а Дурант постигна 26 поени, дополнети со 13 скока и шест асистенции.

Орландо немаше сили во завршницата против Кливленд. Ниту 45 поени на Виктор Оладипо не беа доволно да избегне пораз. Кливленд имаше расположени кошаркари за игра во нападот, а најефикасен беше Кајри Ирвинг со 26 поени. Тристан Томпсон имаше 11 поени и 15 скока, а Леброн Џејмс дуелот го заврши со 18 поени, 7 скока и 8 асистенции. По 14 поени дополнија Шамперт и Кевин Лав.

НБА резултати:

Орландо – Кливленд 103-109
Филаделфија – Оклахома 97-111
Детроит – Сакраменто 115-108
Торонто – Бостон 105-91
Хјустон – Минесота 116-111
Њу Орлеанс – Портланд 112-117
Далас – Голден стејт 112-130
ЛА Лејкерс – Феникс 90-95

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.