Голден Стејт ја продолжува низата на победи, Кливленд минимално против Далас (видео)

Голден стејт, на домашен терен, беше повеќе од убедлив на синоќешниот дуел во НБА лигата, славејќи со 121-85 против Њујорк никс.

Уште на стартот домашните ставија до знаење дека лесно ќе стигнат до триумфот, уште од првата четвртина стекнувајќи висока предност која постојано се зголемуваше. „Воините“ до победата ги водеше Стеф Кари со 34 поени, од тоа осум тројки, додека кај Њујорк најефикасен беше Кармело Ентони со 18 поени.

За актуелниот шампион ова беше јубилејна 50.победа по ред на домашен терен и со неа поставија граница која тешка ќе биде надмината во блиска иднина. Освен тоа, Вориорс имаат биланс 61-6 оваа сезона и се уште поблиску до соборување на рекордот на Чикаго Булс од сезоната 95/96 кога остварија 72 победи и десет порази.

Кливленд со тешка мака дојде до триумф над Далас од 99-98, иако во последните 12 минути од мечот влегоа со предност и од 16 поени. Во отсуство на Леброн Џејмс, Кливленд го водеше Кајри Ирвинг со 33 поени, а голема поддршка имаше од Кевин Лав со 23 поени и 18 скока. Во редовите на Далас, Ли и Новицки завршија со по 20 постигнати поени.

ЛА Клиперс стигнаа до 43-та победа во сезоната, над Хјустон од 122-106, предводени од двоецот Редик-Џордан, кој комбинирано постигна 48 поени. Редик мечот го заврши со 25 поени, додека центарот на домашните имаше 23 поени и 16 скока. Џејмс Харден, кај Хјустон, постигна 33 поени.

НБА резултати:

Сакраменто – Њу Орлеанс 108-123
Г.Стејт – Њујорк 121-85
Хјустон – ЛА Клиперс 106-122
Мемфис – Минесота 108-114
Шарлот – Орландо 107-99
Бостон – Оклахома 109-130
Кливленд – Чикаго 99-98
Вашингтон – Чикаго 117-96
Детроит – Атланта 114-118

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.