Пред крајот на овој век на „Фејсбук“ ќе има повеќе починати, отколку живи корисници, пресмета статистичарот Хачем Садики од Универзитетот во Масачусетс.
Тој до својата пресметка дошол со претпоставка дека ќе се намали растот на бројот на нови корисници и дека најголемата социјална мрежа ќе ја задржи сегашната практика, според која профилите на починатите остануваат активни.
Во моментов профил може да се избрише само ако некој ги има корисничките податоци на починатиот и сам го угасне.
Според проценките на Хачем, „Фејсбук“, кој сега има 1,5 милијарди корисници, до 2098 година ќе стане најголемата виртуелна гробница во светот.
Покрај тоа, проценките покажуваат дека само оваа година ќе починат 970.000 „Фејсбук“ корисници.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
