Кливленд ги потопи Клиперс, Калдерон им го зеде скалпот на Лејкерс (видео)

Лидерот во источната конференција тимот на Кливленд, беше пресилен за ЛА Клиперс на гостински терен во Лос Анџелес победувајќи ги со 114-90.
Клучен период за победата на Леброн и другарите беше втората четвртина кога успеаја да постигнат 37 поени по што Клиперс немаа сили пресврт. Кошаркарите на Кливленд постигнаа 18 тројки од 37 обиди и во потполност го натскокаа противникот – 49-34. Најдобар беше Леброн Џејмс со 27 поени, 6 скока и пет асистенции, а Ирвинг и Смит постигнаа по 17 поени.

За Клиперси, кои сега имаат скор од 42-23, Редик постигна 19 поени, Крис Пол запиша 17 поени, додека Џордан имаше 11 поени и 11 скока.

Нов трипл-дал запиша Јанис Антетокумпо. Со 28 поени, 14 асистенции и 11 скока, стигна до четвртиот трипл-дабл во последните 11 натпревари, носејќи победа на Милвоки над Бруклин од 109-100.

Шпанецот Хозе Калдерон, пак, со звукот на сирената постигна тројка за победа на Њујорк над ЛА Лејкерс од 90-87.

НБА резултати:

ЛА Клиперс – Кливленд 90-114

Атланта – Индијана 104-75

Сакраменто – Јута 99-108

Бруклин – Милвоки 100-109

ЛА Лејкерс – Њујорк 87-90

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.