Голден Стејт на 13 победи од рекорд, Сан Антонио „недопирлив“ на домашен терен (видео)

Ноќеска во НБА лигата на програмата беа 10 натпревари. Двата најдобри тима на западната конференција и целата НБА, Голден Стејт и Сан Антонио продолжуваат да доминираат на домашен терен.

Голден Стејт се врати од негатива во последната четвртина за да дојде до победа од 123-116 против Феникс. Ова за Вориорс беше 48 победа по ред на домашен паркет. На актуелниот шампион му недостигаат уште 13 победи сезонава за да го стигне рекордот на Чикаго Булс (сезона 1995/1996) од 72 триумфа во регуларниот дел од сезоната. Моменталниот скор на Вориорс е 59 победи и шест порази. Стеф Кари постигна 35 поени, додека Клеј Томсон броеше до 20. Кај Феникс Брендон Најт со 30 поени беше најефикасен кај Феникс, а Алекс Лен имаше дабл-дабл ефект од 26 поени и 13 скока.

Незапирливи на домашен терен се и кошаркарите на Сан Антонио, за кои дуелот со Оклахома сити (93-85) беше 41. во триумф во низа пред своите гледачи. Добрата одбрана во второто полувреме, кога гостите постигнаа само 36 поени за 24 минути, беше клучна во оваа битка, па спарси со добиената последна четвртина со 27-17 си го трасираа патот кон победата. Леонард со 26 и Олдриџ со 24 поени го предводеа Сан Антонио до оваа победа.

Екипата на Шарлот е најпријатното изненадување во последните две недели. „Хорнетс“ ја забележаа и седмата победа во низа и се зацврстија во горниот дел на табелата во источната конференција. Серијата од 17-2 на стартот од четвртата четвртина беше доволна за да се скрши отпорот на Хјустон (125-109) и да се стигне до триумф со кој Шарлот се искачи на петтото место на истокот.

НБА резултати:

Tоронто – Мајами 112-104 (по прод.), Далас – Индијана 105-112, Шарлот – Хјустон 125-109, Филаделфија – Детроит 111-125, Атланта – Мемфис 95-83, Милвоки – Њу Орлеанс 103-92, Сан Антонио – Оклахома сити 93-85, Денвер – Вашингтон 116-100, Голден стејт – Феникс 123-116, Портланд – Орландо 121-84.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.