Македонија ја декласираше Црна Гора со 7-0 (видео)

Во пријателски натпревар одигран на теренот на тренинг-центарот „Петар Милошевски“ Македонската фудбалска репрезентација за играчи до 16 години ја понижи соодветната репрезентација на Црна Гора победувајќи ја со 7-0.

Младиот Дејан Кулушевски беше стрелец на четири гола, додека Никола Спасов, Бојан Колевски и Емир Скендери постигнаа по еден.
Кулушевски е роден во Шведска, но неговото потекло е од охридскиот крај. На почетокот од оваа сезона потпиша за калчолигашот Аталанта, а претходно со успех ги бранеше боите на шведската екипа Бромапојкарна се разбира во младинските категории.

Во продолжение може да ги погледнете головите од пријателскиот меч.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.