Силно невреме со град, дожд и грмежи го погоди црногорскиот главен град, Подгорица.
Улиците на Подгорица за неколку минути станаа бели под ударите на градот кој беше со големина на орев, а за кратко време падна голема количина на дожд, пренесува РТЦГ.
Во Цетиње, нивото на водата константно се покачува, а улиците во поединечни делови на градот веќе се под вода.
Заводот за хидрометеорологија и сеизмологија на Црна Гора објави денеска црвен метеоаларм за централниот и јужниот дел на земјата, со предупредување дека е можен прекин на сообраќајот и губење на струја.
Се очекува за 24 часа да паднат најмалку 80 литри дожд по метар квадратен во централниот, а во јужниот дел на земјата 50 литри. За северот е прогласен портокалов метео аларм и се очекуваат помалку врнежи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
