Шок за Баерн Минхен на „Алијанц арена“, Мајнц му го нанесе вториот пораз на шампионот (видео)

Екипата на Мајнц во рамките од 24.коло од Бундес лигата ја направи најголемата сензација победувајќи го Баерн Минхен на „Алијанц арена“ со 2-1.
Гостите одиграа крајно дисциплинирано во текот на целиот меч и затоа му го нанесоа првиот пораз на баварскиот гигант во досегашниот дел од сезоната на домашен терен и само втор вкупно.
Иако Гвардиола се реши да ги одмори Даглас Коста и Томас Милер, првите возбудувања беа пред голот на Мајнц но, Робен и другарите не успеаја да ја затресат противничката мрежа. Тоа го казни Самперио кој по одличниот контранапад го совлада Нојер.
Робен со прецизен удар од 20 метри израмни на 1-1 во 64.минута, но повторно неочекувано прими гол, овојпат преку „резервистот“ Кордоба, кој во 86. минута ги замолкна домашните фанови на „Алијанц арена“ со прецизен удар од работ на шеснаесетникот.

Киксот на Баерн Минхен го искористи екипата на Борусија Дортмунд која е единствен конкурент на баварците за титулата оваа сезона. „Милионерите“ славеа со 2-0 на гостувањето кај Дармштад и се доближија на само пет бода во однос на лидерот Баерн. Андре Рамос втор меч по ред се запиша меѓу стрелците за својот клуб, а конечните 0-2 ги постави Дурм.

Баер Леверкузен ја продлабочи големата криза претрпувајќи го третиот пораз во серија, овојпат на домашен терен од Вердер со 1-4, додека Шалке го совлада Хамбургер со 3-2 иако гостите први дојдоа во водство на оваа средба.

Резултати Бундес лига 24.коло:

Баерн М. – Мајнц 1-2, Дармштад – Борусија Д. 0-2, Хофенхајм – Аугсбург 2-1, Борусија М. – Штутгарт 4-0, Шалке – Хамбургер 3-2, Баер Л. – Вердер 1-4, Херта – Ајнтрахт 2-0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.