Малага повторно кобна за „кралевите“ (видео)

„Кралскиот клуб“ гостуваше кај Малага, која во првиот дел од сезоната успеа да извлече бод на „Сантјаго Бернабе“.

Реал Мадрид играа со значително ослабен состав, без Варан, Пепе, Бензема и Бејл.

„Кралевите“ го започнаа агресивно натпреварот, првата шанса ја имаше поранешниот играч на Малага, Иско. Хесе во 18. минута имаше солидна шанса, но голманот Камени успеа да го спречи неговиот удар.

Во второто полувреме се вжешти атмосферата, се редеа шанси на двете страни, но покрај домашниот, и гостинскиот голман Навас беше на висина на задачата.

Конечно, после толку пропуштени шанси, Кристијано Роналдо успеа да ја затресе мрежата. Реал Мадрид поведе со 1-0, иако линискиот судија направи пропуст и не досуди очигледен офсајд.

Две минути подоцна, Велингтон направи прекршок над Роналдо во шестнаесетникот, а главниот судија покажа на белата точка. Но, Камени уште еднаш беше брилијантен на голот, го спречи ударот на Португалецот.

Одбранетиот пенал на камерунскиот голман како да ги мотивираше неговите соиграчи, кои ја превземаа контролата на играта.

Во 66. минута, домашниот тим успеа да дојде до израмнување со погодокот на Раул Албентосе, по сјајната асистенција на Велингтон.

До крајот на натпреварот Малага успеа да го зачува резултатот и уште еднаш да биде кобна за Реал Мадрид.

По овој неуспех, екипата на Зинедин Зидан заостанува 9 бода зад лидерот Барселона, и уште повеќе им се отежнува патот до титулата во Примера Дивизија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.