Дамњановиќ: Гориме од желбата да му се раваншираме на Будуќност (видео)

ЖРК Вардар в недела со почеток од 17.30 часот во СЦ „Јане Сандански“ го игра последниот натпревар пред домашната публика во рамките од групната фаза во Лигата на шампионите.
Противникот е добро познат на „црвено-црниот“ состав екипата на Будуќност која сеуште нема пораз од избраничките на Индира Кастратовиќ.
Екипата се подготвува сериозно со намера да му се раваншира на европскиот шампион по тешкиот пораз во првиот меч во Подгорица од 31-19.
Средниот бек Сања Дамњановиќ ја пренесе атмосферата од соблекувалната и напомена дека сите девојки горат од желбата да победат в недела.

– На прво место сакам в недела салата да биде полна и да покажеме дека во Подгорица имавме само лош ден, едно наше лошо издание. Сакаме да се искупиме за тоа. Нешто што можеме да ветиме е дека ќе биде една голема борба, до последната секунда, тоа секојгаш го носат мечевите со Будќуност. Не треба да се трошат зборови за Будуќност, знаеме како играат, клуч за победа ќе биде да пробаме да се носиме со нивната добра одбрана која е во одлична форма. Се покажа дека ни годи работата со Дејвис и со Индира. По поразот од Будуност тренираме многу понапорно, вложуваме многу повеќе со 150 посто од силата и се надевам дека трудот се исплаќа – изјави Дамњановиќ.

Со евентуална победа ЖРК Вардар ќе ги задржи шансите за второто место на табелата и ќе му се доближи на Ѓер на само еден бод.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.