Вардар јуниор е подготвен за предизвикот од Челинџ купот против Карпати (видео)

Ракометарките на Вардар јуниор подготвени ја пречекуваат екипата на Карпати во рамките од четвртфиналето од Челинџ купот. Првиот натпревар се игра во Скопје во СЦ „Јане Сандански“ в понеделник од 18.30 часот.
Тренерот на екипата Симе Симовски истакна дека ракометарките напорно работат цел месец и се подготвуваат за овој двомеч.

– Имавме време околу еден месец да се подготвиме. Карапати е уште еден предизвик за нашиот млад тим и верувам успешно ќе ја минеме и оваа пречка. За нас е голем успех што стигнавме до овде и ова е големо искуство за нашата млада екипа. Карпати е противник од наш калибар, со ракометарки кои се приближно на иста возраст како нашите , со исклучок на две ракометарки кои се малку посикусни. Ако ја пруижиме нашата препознатлива игра со добра одбрана, би требало резултатот да биде во наша полза – изјави тренерот на Вардар јуниор, Симе Симовски.

Во претходните две кола Вардар јуниор и двата меча против Лондон Енџејлс и Минаква Војводина ги одигра на свој терен. Ова ќе биде прв дуел каде што ќе мора да одигра и на гости.

– Малку сме специфични како екипа. Кога ќе ни тргне играме добро и надвор и дома и мислам дека тоа не би требало да ни биде проблем. Во дуелот со Карпати, за нас е најважно добро да го одиграме овој прв меч на домашен терен, да направиме добар резултат и после да мислиме за реваншот – истакна Симевски.

Во името на ракометарките капитенот Маја Трпковска и бекот Симона Стојановска ветија беспоштедна битка со цел да се оствари победа изразена со поголема разлика за помирен реванш во Украина.

– „Атмосферата во екипата е одлична. Ќе се залагаме максимално, ќе се бориме за екоја топка и ќе го оставиме срцето на терен за оваа млада екипа да оствари историски успех. Ќе се обидеме да одиграме како што трениравме и како што се подготвувавме за овој дуел со Карпати. Се надевам дека ќе ја оствариме целта и ќе ја израдуваме нашата публика со победа – додадоа ракометарките.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.