Челси како во старите добри времиња, со „петарда“ го испрати Њукасл од „Стенфорд бриџ“ (видео)

Челси конечно одигра еден натпревар онака како што му доликува на актуелниот првак на Премиер-лигата, декласирајќи го составот на Њукасл со убедливи 5-1. „Сините“ сите дилеми ги решија уште во првите 17 минути, во кои првите три обиди кон противничкиот гол ги претворија во погодоци, најпрвин прецизен беше Диего Коста, а по него Педро и Вилијан. Педро во второто полувреме го постигна и својот втор гол, а на 5-0 зголеми младиот Траоре, кој влезе во игра во финишот на местото на Диего Коста.

Конечните 5-1 во самиот финиш го постави Таунсенд, кој со прецизен удар од дваесет метри го матираше Тибо Куртоа.

Црна дамка за Челси на овој меч остави повредата на капитенот Џон Тери, кој мораше да биде заменет во првото полувреме и сега е крајно неизвесен за претстојното осминафинале од ЛШ против Пари сен Жермен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.