– Од почетокот на февруари електричната централа работи со максимален капацитет. Дневното производство изнесува два милиони киловат-часови. Тоа како резултат на исклучително поволната хидрологија и подготвеноста на електормашинската опрема да ја прими и преработи целата количина вода која доаѓа – велат надлежните.
Според нив, моментално средниот дотек од Радика и на Црн Дрим изнесува 170 метри кубни вода во секунда. Во акумулацијата има солидна резерва на вода, за производство на 39 милиони киловат-часови. Оценуваат дека исклучително поволната хидрологија и со сега остварените производни резултати се гаранција не само за предверемена реализација на годишниот план од 252 милиони квч, туку и натфрлување на истиот.
Прелевањето преку преливната шахта, што почна пред дваесетина дена, продолжува, со околу седум кубни метри вода во секунда.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
