Последната анкета покажува дека стратегијата на Зоран Заев која се темели на деструкција не и’ помага на опозицијата, туку напротив, и одмогнува. Експертската јавност е согласна дека деструкција на СДСМ е прочитана, дека таа е сериозна пречка и е една од причините за нискиот рејтинг на СДСМ. Поранешниот дипломат Ристо Никовски смета дека последните испитувања на јавното мислење покажаа дека нема промени во односот на електоратот кон главните политички партии.
– Тоа покажува дека Македонците се мудри и знаат да ценат и дека никој не може да си игра со нив. Меѓутоа мораме да бидеме свесни дека во сето она што ни се случува голема улога има меѓународниот фактор. Меѓутоа се плашам дека со приближувањето на изборите кои се закажани на 24 април лесно може да бидат подметнати некакви нови анкети кои ќе покажуваат некаков пресврт на електоратот. Мислам дека тоа ќе биде една од опциите, односно една од сопките на кои ќе се наиде. Но тоа ќе покажува еден очајнички обид да се промени да се влијае или да се наметне нешто што не е прифатливо за граѓаните на оваа држава- вели Никовски.
Никовски е оптимист бидејќи сите се свесни дека се работи за државата и дека на следните избори тоа ќе дојде до израз и ќе излеземе од овој хаос кој е резултат на надворешните влијанија, но и со нагласена улога на домашна политичка партија.
-Непосредно пред изборите ќе биде неизбежно, како што имаше и минатиот пат, подметнување на анкети. Но сметам дека тоа нема да има влијание врз народот. Не може да си игра со народот, народот знае да цени, ова е мудар народ со кој никој не може да си игра- вели Никовски.
Експертите сметаат дека народот препознава проекти и работа, а тоа е изразено и во двојната разлика и растечкиот рејтинг на ВМРО-ДПМНЕ според анкетата на Брима Галуп. Резултатите од последната анкета на Брима Галуп покажуваат огромна поддршка и повеќе од двојна предност на ВМРО-ДПМНЕ спрема СДСМ, односно доколку следната недела се одржат нови парламентарни избори за ВМРО-ДПМНЕ би гласале 36.8%, а за СДСМ повеќе од два пати помалку односно 15.7%.
Овие резултати се кај македонското гласачко тело, но таквата двојна разлика се пресликува и доколку се земе во предвид целосната етничка структура на населението во Република Македонија,односно 25.7% за ВМРО-ДПМНЕ према 13.4% за СДСМ.
Речиси 5 пати повеќе, односно 56.6% од граѓаните сметаат дека ВМРО-ДПМНЕ би победила доколку се организираат предвремени парламентарни избори на кој би учествувале сите партии, а само 12.4% сметаат дека тоа е СДСМ.
Дури 47.6% сметаат дека СДСМ се плаши од предвремени парламентарни избори, што може да се доведе во корелација со нивното одбивање да учествуваат на изборите на 24 април. Само 16% сметаат дека тоа е ВМРО-ДПМНЕ.
Кога станува збор за перцепциите, точно пет пати повеќе сметаат дека генерално ВМРО-ДПМНЕ има поголема поддршка од граѓаните и дека ќе победи на изборите, односно 65.1%, за разлика од само 13% кој сметаат дека СДСМ има поголема поддршка.
Според граѓаните убедливо ВМРО-ДПМНЕ е партијата со која државава економски и политички ќе оди напред. Дури 50,8% од граѓаните сметаат дека ВМРО-ДПМНЕ економски ќе ја води подобро државата напред, односно 50,7% од граѓаните сметаат дека со ВМРО-ДПМНЕ државата ќе оди напред и на политички план, наспроти, 20,1% кој сметаат дека тоа е СДСМ во поглед на економијата односно 21,3% дека државата ќе оди напред со СДСМ на политички план.
Убедливо, двојно повеќе односно 53.6% од граѓаните сметаат дека опозицијата доколку би ја превземала власта би била понедемократска, за разлика од 26.3% кои сметаат дека би била подемократска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
