Перфектен натпревар на Кари во победата над Харден и другарите (видео)

Најдобриот играч на актуелниот шампион Голден Стејт, Стефон Кари продолжува со импресивните настапи оваа сезона. Тој го водеше својот тим во уште една победа овојпат во дербито против Хјустон (123-110). Воините“ одиграа во ист рита како и на претходните дуели, со импресивно темпо во нападот чекајќи противникот да загуби здив, за потоа да се зададе завршниот удар. Кари мечот го заврши со 35 поени, а додаде и по пет скока и асистенции. Најефикасен во гостинскиот табор, а воедно и на паркетот беше Џејмс Харден со 37 постигнати поени.

Одличен натпревар одиграа и екипите на Јута и Далас, а по продолженијата до победата стигнаа кошаркарите на Јута (121-119) Худ со 29 поени ја предводеше Јута, а во таборот на Далас најдобар беше Парсонс со 24 постигнати поени.

Работите во Њујорк никс не се променија многу со заминувањето на Дерек Фишер, откако новиот тренер Курт Рембис дебитираше со пораз на домашен терен, и тоа од Вашингтон со резултат 108-111. Ниту Кармело Ентони со своите 33 поени не можеше да помогне да се избегне новиот пораз, откако никси во одбраната не успеаја да го запрат Џон Вол, кој го заврши мечот со импресивни 28 поени и 17 асистенции, воедно постигнувајќи ги и последните поени на три секунди до крајот. Њујорк имаше шанса да израмни, но обидот за тројка на Галовеј не беше прецизен.

НБА резултати:

Мајами – Сан Антонио 101-119, Њујорк – Вашингтон 108-111, Милвоки – Бостон 112-111, Далас – Јута 119-121, Голден стејт – Хјустон 123-110.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.