Има само уште неколку дена до концертот на една од најголемите ѕвезди од соседството Жељко Самарџиќ, закажан за 13 февруари во нашата најголема спортска сала „Борис Трајковски“ во Скопје. Познатиот шармер доаѓа во месецот на љубовта и на виното, а специјален гостин на концертот ќе биде миленикот на повозрасната, но и на помладата публика, Наум Петрески.
– Многу ми е драго што ќе пеам токму на овој датум, а најмногу би се израдувал доколку се случи некое запросување. Тоа е нешто што секогаш буди искрена емоција во мене – изјави Самарџиќ за едно од неговите гостувања пред неколку дена во Скопје.
Влезниците за овој концерт може да ги купите преку продажните места на „купикартазасе“, „Розе Веро 2“, „Југотон“, а исто така ќе има и организиран превоз од повеќе градови од земјата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
