Серија А: Победи на Наполи и Јувентус, кикс на Милан (видео)

за шампионската титула во Серија А продолжи со две нови победи на фаворитите, Наполи и Јувентус, во пресметките со новите прволигаши Карпи и Фросиноне.

„Наполитанците“ со многу проблеми, но и со судиска помош успеаја да го скршат отпорот на Карпи триумфирајќи со 1-0 со голот од пенал на Игуаин. Пеналот беше чист како солза, но многу контроверзи предизвика исклучувањето на гостинскиот фудбалер Бјанко, кому му беше покажан втор жолт картон иако се чинеше дека прекршокот го направи Закардо. „Наполитанците“ го искористија тој подарок, па стигнаа до триумф со кој ја задржаа предноста од два бода во однос на Јувентус, во пресрет на големото дерби што ќе се игра следниот викенд во Торино.

Актуелниот шампион Јувентус го скрши отпорот на Фросиноне во второто полувреме и славеше со 2-0. По многу шанси првиот погодок на средбата го постигна Квадрадо во 73 минута, а точка на триумфот стави одличниот Пауло Дибала во 91 минута. Ова беќе 14.победа по ред за „старата дама“ со што тренерот Алегри го урна рекордот по бројот на победи во серија на претходниот тренер Антонио Конте.

Frosinone vs Juventus 0-2 All Goals & Highlights by mini363

Екипата на Милан не успеа да ја продолжи победничката низа во калчото откако на „Сан Сиро“ пред домашната публика одигра 1-1 против нефаворизираниот Удинезе. „Росонерите“ имаа две победи во низа, против Интер и Палермо, но не успеаја да ја продолжат серијата. Први до водство дојдоа гостите благодарение на искусниот Армеро, кој погоди во 17 минута, а на 1-1 изедначи младиот Мамаду Нијанг во 48 минута. Најдобрата шанса за победа Милан ја имаше во 82 минута, но Андреа Бертолачи ја стресе пречката на гостите.

AC Milan vs Udinese 1-1 All Goals & Highlights by footy-goals

На останатите натпревари Кјево со 2-1 славеше против Торино, A Александар Трајковски асистираше за Палермо на ремито против Сасуоло. Во пладневниот термин Интер успеа да извлече бод на гостувањето кај Верона (3-3), откако домаќините имаа предност од два гола (3-1).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.