Рутинска победа на Барселона (видео)

Барселона ја продолжи серијата добри резултати откако забележа победа од 0-2 на гостувањето против Леванте. Каталонците одлично го почнаа мечот, па и покрај неправедно поништениот гол на Меси продолжија со офанзива, стигнувајќи до водство благодарение на автоголот на Давид Наваро по акцијата на Иниеста и Алба.

Барса пропушти неколку шанси за втор гол, со кој би ја запечатила судбината на домаќините, но мора да се истакне дека и Леванте одигра храбро, создаде неколку опасни ситуации, а најубавата можност ја пропушти Моралес, кога од десетина метри откосо биеше само во дирекот од голот на Раул Браво. Конечните 0-2 ги постави Луис Суарез во последните моменти од мечот, по контранапад и асистенција на Лео Меси.

Каталонскиот гигант со овој триумф сега има 54 бода, три повеќе од Атлетико Мадрид, со тоа што избраниците на Луис Енрике имаат и натпревар помалку во однос на „јорганџиите“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.