Стеф Кари со 51 поен го урна Вашингтон (видео)

Најдобриот играч за минатата сезона во НбА-лигата и лидер на шампионот Голден стејт продолжува да доминира на терените во лигата. Нова „жртва“ за бекот на Воините беше Вашингтон, кој на домашен терен загуби со 121-134. Откако на претходните три меча не беше во својот препознатлив ритам постигнувајќи вкуно 50 поени, Кари синоќа „експлодира“ па со 51 поен му ја донесе победата на својот тим над „волшебниците“ од Вашингтон. Кари погоди дури 11 тројки од 16 обиди, а особено импресивен беше во првата четвртина, во која реализираше 25 поени.

Тимот на Лос Анџелес клиперс беше непријатно изненаден пред своите гледачи, губејќи од Минесота со 102-108. Минесота загуби на последните 14 гостувања против клиперси, но овојпат го имаше во своите редови одличниот Вигинс, кој со 31 поен помогна да биде прекината оваа „црна серија“.

Сан Антонио славеше на домашен терен против Њу Орлеанс со 110-97 за скор од 27-0 на домашен терен оваа сезона. Ламаркус Олдриџ одигра фантастичен меч реализирајќи 36 поени, најмногу за него по летниот трансфер од Портланд, Леонард постигна 26, а Дени Грин 16 во овој лесен триумф на „мамузите“.

НБА резултати:

Шарлот – Кливленд 106-97, Филаделфија – Атланта 86-124, Бостон – Детроит 102-95, Бруклин – Индијана 100-114, Вашингтон – Голден стејт 121-134, Оклахома сити – Орландо 117-114, Далас – Мајами 90-93, Сан Антонио – Њу Орлеанс 110-97, Јута – Денвер 85-81, Сакраменто – Чикаго 102-107, ЛА клиперс – Минесота 102-108.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.