По 10 години во кои се етаблираа како водечка компанија на ИТ пазарот во Македонија, притоа создавајќи бренд на компанија која освен за квалитетот и добрата услуга посебно внимание посветува на општествената одговорност, компанијата УХОСТ од Кавадарци го прослави својот јубилеен 10 роденден.
Во прекрасна атмосфера со дел од своите клиенти одговорните лица од компанијата ги разменуваа досегашните искуства од меѓусебната соработка.
-Од формирањето па до денес може да се пофалиме со доста голем број на повеќегодишни задоволни, сериозни клиенти кои ни го довериле нивниот бизнис и не одбраа нас како домаќини на нивните сајтови и нивни ИТ партнери, вели Александра Илиева Атанасова управител на компанијата.
УХОСТ како компанија успешно функционира од 2006 година. Составена од тим на креативни и искусни млади лица, инспирирани од брзиот развој на ИТ сферата успеваат сите новитети да ги применат во своето работење.
Се издвојуваат од останатите со применувањето на последните технологии базирани на светски стандарди.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
