Кливленд по шест години победи во Индијана (видео)

Синоќа во НБА лигата беа одиграни девет натпревари, а вечерта ја одбележаа победите на Кливленд над Индијана и Оклахома против Вашингтон во кој Расел Вестбрук постигна нов трипл-дабл во кариерата.
Кливленд дочека по цели шест години да слави победи на гостински терен кај Индијана и тоа по едно продолжение од 111-96. Мечот го одбележа Кајри Ирвинг со 25 поени, вклучувајќи и шест во продолжението за петта едноподруга победа на Кливленд. Го следеа Леброн Џејмс со 24 поени, 12 скока и 6 асистенции, како и Кевин Лав и Џеј-ар Смит со по 19 постигнати поени.
Пејсерси ги предводеше Џорџ Хил со 23 поени, а по 14 поени постигнаа Монта Елис и Мајл Тарнер, кој имаше и 10 скока.

Сан Антонио, по два тешки порази на гостувањата од најголемите конкуренти за титулата Голден стејт и од Кливленд, ја продолжија доминацијата во Тексас. Ламаркус Олдриџ ги предводеше против Орландо со 28 поени и 5 блокади, а одлично го следеше Пети Милс со 22 поени.

Расел Вестбрук беше нерешлива задача за Вашингтон со својот „трипл-дабл“, а Кевин Дурант постигна 28 поени во победата на Оклахома, дополнети и со 9 скока. Серџ Ибака запиша 19 поени и 10 скока, а 14 поени постигна Енес Кантер.

Во едно од дербијата на вечерта Атланта славеше против Далас со 112-97, а незапирлив беше Џеф Тиг со 32 поени, се чини личност на вечерта кој промаши само три од 15 шута и практично сам ја донесе победата за Хоукс.

НБА резултати: Индијана – Кливленд 106-111, Бруклин – Детроит 100-105, Атланта – Далас 112-97, Њу Орлеанс – Мемфис 95-110, Оклахома – Вашингтон 114-98, Сан Антонио – Орландо 107-92, Денвер – Торонто 112-93, Јута – Чикаго 105-96, Сакраменто – Милвоки 111-104

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.