Вработен на наплатната рампа Глумово бил повреден откако возач на комбе сакал насилно да помине.
Полицијата информира дека вчера околу 12 часот настанала расправија околу наплатата меѓу вработениот Г.С. (1966) и непознато лице кое го управувало комбето. Притоа, сопатникот од возилото насилно ја отворил рампата по што вработениот излегол од кабината за да ја затвори рампата. Во моментот кога ја затворал рампата, бил удрен од комбето во пределот на десниот колк по што возилото заминало.
Се преземаат мерки за целосно расчистување на случајот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
