Народниот театар – Штип ќе игра по една претстава за хуманитарни цели

На секои три месеци, Ансамблот на Народниот Театар-Штип ќе игра по една претстава за хуманитарни цели…

– Актерите утревечер во 20 часот на сцената на Народниот театар-Штип ќе ја одиграат претставата „Хотел ни на небо ни на земја“, а средствата кои ќе бидат собрани ќе бидат донирани на Одделението за педијатрија во Клиничка болница-Штип. Сакаме тоа да помине како една наша традиција, квартално на секое три месеци да играме по една претстава, која што ќе биде од театарот за љубов за граѓаните – најави на денешната прес-конференција директорот на Националната установа –Центар за култура „Ацо Шопов“, Миле Вртеовски.

Тој истакна дека на редовниот репертоар на Народниот Театар-Штип ќе се вратат неколку театарски претстави, како што се „Отворач за конзерви“ и „Енигматски варијации“.

Во текот на годината ќе работат на три нови театарски претстави: „Суд од Коле Чашуле“ во режија на Дамјан Читкушев, „Кралот на Бетајнова“ во режија на Миха Голоб и „Лазаревото писмо“ во режија на Љубиша Георгиев, кои се финансисрани од Министерството за култура.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.