Управниот суд донесе времена одлука со која ги стави вон сила решенијата за разрешување на 15 директори на Центрите за социјална работа и јавните установи од страна на министерката за труд и социјална политика Фросина Ременски.
Ова денеска го истакна заменик министерот за труд и социјална политика Диме Спасов на отворањето на пензионерскиот клуб во Волково.
-Иако техничката министерска се обиде преќутно, нетранспарентно и незаконски во очи на божикните празници да разреши 15 директори на центри за социјална работа и јавни установи, полека но сигурно овој случај добива правна разрешница. Ние ги искористивме сите правни средства и правни механизми да го утврдиме и докажеме незаконскоро разрешување на директорите. Исто така да се утврди прекршувањето и на административните процедури и поднесовме 15 тужби до надлежниот суд – истакна Спасов.
Тој ја повика министерката Ременски да престане со, како што рече, деструктивното однесување, со блокирање на дел од проектите на Министерството и да се зафати со работата за што е именувана, односно за организација на предвремените извбори во април оваа година. Во решението за времена мерка се забранува на министерот за труд и социјална политика, Ременски, да презема дејствија во врска и по повод донесените решенија за разрешувања на директор и решенијата со кои назначува в.д директори до донесување на правосилна одлука по тужбата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
