Најдобриот тенисер на светот на сите времиња, Роџер Федерер иако во поодминати години, сеуште жари и пали на тениските терени. Тој без проблеми се пласираше во полуфиналето на првиот грен-слем година, Австралија Опен победувајќи го со максимални 3-0 (7-6,6-2,6-4) во сетови чешкиот тенисер Томаш Бердих за рекордна 80-та победа во Мелбурн.
– Томаш ми создаваше многу проблеми последниве години, но секогаш е задоволство да се игра против него. Тој е тип на играч кој те тера да бидеш подобар на терен – истакна Федерер по мечот.
Федерер, кој 12 пати во последните 13 години стигна до полуфиналето на Австралија опен, сега го чека расплетот од дуелот меѓу Новак Ѓоковиќ и Кеи Нишикори, како би го дознал следниот свој ривал во Мелбурн.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
