Граѓаните на Скопје од денеска, 16 април, повторно можат да возат велосипед за 10 денари за еден час. Јавното претпријатие „Градски паркинг“ ги известува сите граѓани дека проектот „Изнајми велосипед“ повторно функционира.
Пунктовите се затвораат наесен кога временските услови се влошуваат за рекреирање со ова превозно средство.
Годинава, заинтересираните ќе може да изнајмат велосипеди од четири пункта кои се наоѓаат на разни локации. Две од нив се постојни, зад трговскиот центар „Бисер“ во Аеродром и на паркиралиштето „Треска“ во Капиштец, а останатите се новоотворени: кај Специјалната болница за хируршки болести „Св. Наум Охридски“ во центар и во близина на Градската болница „8 Септември“ на територијата на Карпош.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
