Дејан Манасков на дуелот со Србија беше најдобар играч (иако наградата од ЕХФ ја доби голманот на Србија Дарко Станиќ) и постигна 10 голови. Сепак, Манасков не го почна дуелот со Станиќ најдобро особено што по постигнатиот прв гол, имаше две промашувања, од кои една контра. Потоа тој стана „ноќна мора“ за поранешниот клупски колега Станиќ.
За настапот на Манасков, селекторот Ивица Обрван во разговор со македонските новинари истакна:
Манасков сака да игра, дека нема многу натпревари сезонава. Тој има многу сила во него. Ги погоди сите пенали и погодуваше кога треба. Тој има и одлична замена во Гоце Ојлески и следните три натпревари се шанса и за Ојлески. Имавме тешки натпревари и сите се „кршеа“ во финишот и тогаш тешко е да се менува. Ризикот е голем.
Обрван потенцираше дека и Филип Лазаров сеуште не е „фит“, а и кај Мојсовски се чуствува паузата. Воедно анјави дека на другите натпревари листата на играчи кои ќе бидат во игра ќе биде поголема.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
