Светиот крст во Тетово го фати Миле Стојановски

Педесет и четиригодишниот Миле Стојановски од тетовската населба Поток беше најуспешен од тројцата верници и го извади Светиот крст од базенот во дворот на соборниот храм „Св. Кирил и Методиј“ при денешното одбележување на празникот Богојавление – Водици во Тетово.

– По втор пат скокам по крстот и пред 10-ина години и сега успеав да го фатам и многу сум среќен поради тоа. Посакувам Господ да даде здравје, а на сите верници се најдобро, рече Стојановски.

Претходно митрополитот тетовско-гостиварски г. Јосиф отслужи Света божествена архиерејска литургија и ги освети водите во базенот, а потоа беа пресечени кумските колачи.

Освен во црквата „Свети Кирил и Методиј“ во Тетово, празникот Водици се одбележува и во скоро сите села од Тетовско со фрлање на крстот во базените во црковните дворови и во реките што минуваат низ регионот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.