„Јупитер“ пак извиси туристи: Овојпат 80 лица останаа во Банско без сместување

Туристичката агенција која остана запаметена по енормно ниските цени на аранжманите, но и по извисување на своите клиенти, повторно на тапет. Откако патниците од една нивна тура во Истанбул останаа заложници во хотелот во кој небеа подмирени долговите на агенцијата тие се соочија со инспекции и извесен период не работеше агенцијата, но повторно почнаа со работа. Овојпат 80 лица во Банско не можат да се сместат и пишуваат на „Фејсбук“ дека 6 часа не можат според зделката на „Јупитер“ да ги изнајмат своите соби за кои платиле.

-На вашата зделка, денес повеќе од 6 часа во Банско повеќе од 80 луѓе неможат да се сместат, Водичот од страна на Јупитер е фатен како ги изнесува пасошите во црна вреќа на петходната група туристи, во иднина пред да продавате нешто проверете го квалитетот на услугата. Сите што сме овде ќе ве тужиме вас и Јупитер, напиша Ивана Дервишова на „Фејсбук“, која се закани со тужби и до туристичката агенција „Јупитер“ и до „Групер“ кои соработуваат со нив за попустите на аранжманите.

И други нивни клиенти се залат на услугите на оваа агенција.

-Истото искуство го имав пред неколку години со Јупитер. По осумчасовна голгота не сместија во хотел со 4 ѕвезди. Бидете упорни, ги посоветува една скопјанка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.