Најдобро чуваните холивудски тајни

Кога некој е славен неверојатно е тешко да скрие тајни од обожавателите, а особено од медиумите. Но, поради некоја причина, овие славни личности успеале  долго време да кријат некои свои приватни работи од очите на јавноста, и покрај тоа што се работи за исклучително шокантни и скандалозни личности.

Том Круз и неговата сциентологија

Луѓето сакаат да дознаат како и зошто сциентологијата има толку големо влијание врз тие што се дел од неа. Неодамна излегоа озборувања дека актерот ја запоставил својата ќерка Сури, откако Кети Холмс решила да се разведе од холивудската ѕвезда плашејќи се дека неговата сциентологија ја презема контролата врз нејзината врска и нејзината ќерка. Иако Холмс никогаш не објаснила во детали што е тоа што толку ѝ пречи во врска со сциентологијата, се истакнува дека членовите на оваа религија треба да се дистанцираат од секој што ќе зборува лошо за неа. Во неколку медиуми се тврдеше дека Том Круз веќе повеќе од една година ја нема видено својата ќерка, наводно напуштајќи го своето сопствено дете во име на религијата на која е толку многу  ѝ е посветен.

Вонбрачното дете на Арнолд Шварценегер

По повеќе од дваесет години брак со Марија Шривер, се откри шокантна тајна за Арнолд Шварценегер. Тој во деведесеттите имал врска со слугинката и имал дете со неа, при што тајно се грижел за нејзиниот дом и за нивниот син Џозеф, кои живееле на само неколку минути од Арнолд и Марија. Тајната била криена петнаесет години.

Вистинсиот татко на Кло Кардашијан

Во последните четири години постојано се зборува дека Кло Кардашијан не е биолошка ќерка на починатиот Роберт Кардашија, барем според поранешната жена на адвокатот, Елен Пирсон, која јавно тврди дека Роберт Кардашијан бил свесен за тој факт, но сепак ја чувал како своја. Згора на тоа, во епизода на „Семејството Кардашијан“, Кло одбила да направи ДНК-тест во страв дека тоа што го вели Елен, можеби, е вистина.

Стравот на Анџелина Џоли дека има рак на дојката

Стравот на Анџелина Џоли се должи на тоа што нејзината мајка Марчелин подлегнала на подмолната болест, што е причина актерката да прави проверки секој месец, во случај и кај неа да не почнат да се јавуваат симптомите. За нејзина среќа, кај неа болеста била откриена во рана фаза и бргу се подложила на мастектомија, при што не само што ја криела својата загриженост, туку и нејзиното храбро решение да направи операција, за на крајот за сето тоа да проговори во статија на „Њујорк тајмс“.

Бракот на Џенет Џексон со Висам ал Мана

Свршувачката на Џенет Џексон со Висам ал Мана, можеби, се јавува како изненадување, што е и сосема нормално со оглед на тоа дека таа се венчала со милијардерот во релативно тајна церемонија во присуство на само неколку членови на семејството. Свадбата – која се случила во 2012 година – била толку тајна и приватна, што Џенет поканила само двајца свои блиски. Истата година, прашана за тоа како ѝ оди животот како свршеница, Џенет споделила дека таа е веќе мажена.

Сексуалноста на Кристен Стјуарт – лезбијка?

Кога мајката на Кристен Стјуарт наводно навестила дека нејзината ќерка сака жени, актерката навестила дека е лезбијка. По четиригодишната врска со Роберт Патинсон, грмна веста дека Стјуарт, наводно, излегувала со својата асистентка Алиша Каргајл.

Скандалот со силувањата на Бил Козби

За сексуалните напади на Бил Козби се дозна минатата година, кога повеќе славни жени истапија тврдејќи дека поранешниот обожаван актер ги дрогирал и ги силувал. Повеќето од инцидентите, кои се случиле во 80-тите и во 90-тите, наводно биле пријавени в полиција, но според сега веќе четириесетгодишните жени, секојпат немало доволно докази за да се докаже дека Бил виновен.

Вонбрачното дете на Крис Браун

Аренби пејаот Крис Браун ги шокирал своите фанови кога се потврдило дека 26-годишниот пејач е татко на едногодишно девојче со име Ројалти. Браун, кој се надевал дека ќе успее тоа да го одржи во тајност, од страв да не ја сњгуби својата девојка Каручи Ран, на крајот признал дека тоа е вистина, додавајќи дека се надева дека на Ројалти ќе ѝ биде татко каков што таа би посакувала.

Славната интерпретација на американската химна од Витни Хјустон, всушност, била на плејбек

Пеењето на националната химна на САД од страна на Витни Хјустон во 1991 година во Супербоул е контроверза сама по себе. Зошто? Бидејќи речиси една деценија по изведбата на Хјустон, најпосле се открило дека во тоа време 27-годишната ѕвезда пеела на плејбек. Тоа предизвикало големо разочарување, бидејќи во тоа време публиката била зашеметена од нејзината беспрекорна изведба на химната – обожавателите ја величале, па дури и музичките критичари тврделе дека тоа е една од најдобрите верзии на химната што воопшто ги слушнале.

Борбата со булимија на Кеша

Кеша се борела со булимија и со анорексија уште од кога била тинејџерка. Никој не знаел за тоа сѐ додека пејачката не поднела тужба против музичкиот продуцент д-р Лук, тврдејќи дека често ја посрамувал дека не изгледа добро како нејзините колешки. Кеша тврди дека Лук го исмевал изгледот на нејзиното тело, споредувајќи го со фрижидер.

Лејди Гага во минатото била сексуално злоупотребувана

Воопшто не е изненадување откритието дека како млада Лејди Гага била сексуално злоупотребувана, ако се има предвид дека често им давала поддршка на тие што се нашле во слични ситуации. Таа споделила за повеќекратните инциденти во интервју од 2014 година со радиолегендата Хауард Стерн. Гага вели дека кога првпат решила да стане пејачка, некои мажи од индустријата сексуално ја нападнале во повеќе пригоди.

Промената на полот на Кејтлин Џенер

Кејтлин Џенер, порано познат како Брус, го шокираше светот кога потврди во интервју со Дајен Сојер дека долго време сакал да стане жена. Поранешниот олимписки шампион се обидувал да ја изрази својата сексуалност уште од кога памети за себе, но неговите деца „му го одвлекле вниманието“ од тоа што навистина сакал да биде. На 65 години, Кејтлин тврди дека најпосле ја постигнала својата среќа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.