Избричете ги брадите,носете крстови: еве кои се правилата за скривање на џихадистите во Европа

Излезе водич кој на 64 страниви и во 12 поглавја ги објаснува правилата на однесување.

Исламската држава објави вознемирувачки „водич“ за своите следбеници кои треба да изведат терористички напади, а во кој им се советува додека живеат на Запад да се претвораат дека се христијани и да живеат таков начин на живот.

Упатства за изведување на терористички напад

Прирачникот, кој е преведен на англиски, претставува ажурирана верзија на оригиналниот текст кој го составила Ал Каеда, пренесува лондонскиот печат. Во него се нудат безбедносни совети  и упатства за таканаречените „волци самотници“ но и за мали исламистички „ќелии“ како да изведат терористички напад.

Во водичот со 12 поглавја на 64 страници, на екстремистите, помеѓу другото, им се објаснува  како да го посетуваат интернетот, а да не бидат забележани или кои апликации на мобилните телефони да ги користат, а кои да ги избегнуваат.

Инструкции за поставување бомба

Помеѓу таквите инструкции се и оние за тоа како се поставува автомобил-бомба „на ирачки начин“ но и како да се остане анонимен додека се користи паметен телефон.

Интересно е дека во упатствата им се советува на борците на Исламска држава дека треба да ги избричат брадите, да носат западна облека, дури и околу вратот да носат синџири со крстови.

Не се заобиколени и некои модни совети како што се барањата  бојата на облеката и обувките да бидат во хармонија како и мажите да користат колонска вода, а никако парфеми.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.