Шон Пен проговори за средбата со Ел Чапо: Мислев дека ќе ме кастрираат

son pen Додека луѓето на Ел Чапо ме опкружуваа, застанав зад дрво за да се олеснам и помислив колку лесно може да ми го отсечат пенисот само кога би сакале. Со овие зборови холивудската ѕвезда Шон Пен ja опишува паниката што го фатила за време на интервјуто со озлогласениот наркобос. Во текстот за „Ролингстоун“ признава дека се плашел да не тргне нешто во погрешен правец.

– Штом слетавме на тајна локација во Мексико, проработи паранојата. Гледав во небото барајќи хеликоптери и се вртев за да видам дали некој ме држи на нишан – наведува актерот. Тој бил особено загрижен поради фактот дека Хоакин Гузман викан Ел Чапо не зборувал англиски.

– Се плашев дека ќе дојде до недоразбирање. Човекот што води милионско царство на дрога во 50 држави не знае ниту збор англиски а јас на шпански едвај знам да кажам нешто повеќе од „адиос“ – вели Пен.

Неговата комуникација со водачот на картелот Синалоа значително ја олеснила мексиканската актерка Кејт дел Кастиљо, која го договорила интервјуто. Убавицата се нашла под истрага на мексиканската полиција поради врските со Чапо, а иста судбина имал и Шон Пен, кој ќе мора да одговори на прашањата на истражителите.

Сепак, се чини дека славниот актер не е загрижен. Тој е снимен како отпуштено разговара со поранешниот сопруг на Мадона на добротворна вечера.

Хоакин – Ел Чапо Гузман, во меѓувреме е вратен во затворот Алтиплано каде што во јули минатата година побегна низ подземен тунел.

Граѓаните што живеат во близина стравуваат дека неговото повторно апсење ќе резултира со бран насилства бидејќи многумина го сметаат за херој. Вчера медиумите објавија дека полицијата за време на апсењето додека чекале засилување го внеле врзаниот наркобос во најблиската зграда-мотел полн со сексуални помагала, кој служел како бордел. За време на полициската акција биле убиени повеќе луѓе на Ел Чапо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.