Наполи со „петарда“ до врвот на табелата, победа на Трајковски на гостински терен (видео)

Екипата на Наполи го искористи киксот на Интер на домашен терен против Сасуоло (0-1) и со уверлива игра кај Фросиноне стигна до победата од (1-5) и се врати на чело на табелата во Серија А лигата.
Знаејќи дека победата над Фросиноне ќе им ја донесе првата позиција во калчото, наполитанците влегоа мамсимално сконцетрирано во мечот и не дозволија никакво изненадување.
Серијата голови ја отвори Раул Албиол, а по него меѓу стрелците се запишаа и Игуаин (два), Хамшик и Габијадини. Наполи со оваа победа сега има 41 бод, два повеќе од Интер.

All Goals – Frosinone 1-5 Napoli – 10-01-2016 by Video-Sport

Палермо ја прекина серијата од два порази успевајќи да триумфира на гостувањето против Верона со минимални 0-1. Стрелец на единствениот гол беше Васкез во првото полувреме, додека Александар Трајковски настапи се до 89. минута, кога беше заменет со Кристанте.

Џенова стигна до голема победа на гостувањето против Аталанта со 0-1 (стрелци беа Џемаили и Паволети), меч на кој Горан Пандев беше на клупата, но не влезе во игра за својата екипа.

Резултати Италија:

Интер – Сасуоло 0-1, Болоња – Киево 0-1, Аталанта – Џенова 0-2, Фросиноне – Наполи 1-5, Верона – Палермо 0-1, Торино – Емполи 0-1.

Вечерва во терминот од 20.45 актуелниот шампион Јувентус и гостува на екипата на Сампдорија и со евентуална победа ќе се искачи на второто место на табелата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.