Хаџи-Јанев: Косово не сака да се спои со Албанија

Професорот на македонската Воена академија, Методи Хаџи-Јанев, тврди дека на Албанија од Брисел и од Вашингтон јасно ѝ било порачано дека треба да се откаже од сонот за Голема Албанија, пренесува порталот „Данас“. Ова во изјава за агенцијата „Бета“, македонскиот воен стручњак го истакнал на конференција на Атлантскиот совет на Србија, во Рума.

Потполковникот Хаџи-Јанев рекол дека во многубројните контакти со претставници на интелектуалците на Косово дошол до сознание дека мнозинското расположение на Албанците на Косово не е во прилог на припојување кон Албанија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.