Сан Антонио не знае за пораз на домашен терен, Кливленд славеше во главниот град (видео)

Синоќа во НБА лигата беа одиграни 11 натпревари. Фаворитите за највисок пласман оваа сезона без поголеми проблеми славеа победи.

Сан Антонио не знае за пораз на домашен терен и во синоќешниот дуел во кој славеше победа над Јута од 123-98. Иако екипата од Тексас настапи без неколку првотимци, улогата на лидер ја презема Тим Данкан кој постигна за него рекордни 18 поени оваа сезона. Ламаркус Олдриџ одмараше на клупата, а Тони Паркер не надвор од стројот поради повреда. Ова беше 21.домашна победа за Сан Антонио и со тоа го изендачи клупскиот рекорд за најдобар старт во една сезона. Ноќ за паметење имаше и Дени Грин, кој ја постигна 662. тројка во дресот на Сан Антонио потиснувајќи го Брус Боуен на вечната клупска листа.

Кевин Дурант се врати на терените по повредата на стопалото и веднаш ги презема работите во свои раце. Тој реализираше 26 поени и 17 скока во победата на Оклахома над Мемфис од 112-94. Кај Мемфис најдобар беше резервистот Марио Чалмерс со 23 поени.

– Многу лесно ова можеше да биде разочарувачка ноќ за мене. Сепак, останав цврсто фокусиран и успеав во она што го сакав, да влезам во ритам и да му помогнам на својот тим – изјави по мечот Дурант.

Интересно беше и во Вашингтон, каде визардси и покрај силниот отпор не успеаја да го изненадат вицешампионот Кливленд кавалирс, кој славеше со 115-121. Леброн Џејмс постигна 34 поени и 10 скокови, Кајри Ирвинг додаде 32 поени, а во ритам беше и Џеј-Ар Смит, кој го заврши мечот со 25 поени. На спротивната страна, најпрецизен кај Вашингтон беше Темпл со 21 поен.

НБА резултати:
Мајами – Њујорк 90-98, Орландо – Индијана 86-95, Вашингтон – Кливленд 115-121, Бостон – Детроит 94-99, Бруклин – Торонто 74-91, Минесота – Денвер 74-78, Њу Орлеанс – Далас 91-100, Сан Антонио – Јута 123-98, Феникс – Шарлот 111-102, Оклахома сити – Мемфис 112-94, Портланд – ЛА клиперс 98-109.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.