Првиот понеделник од новата година го заработил прекарот Ден на разводи од адвокатите, бидејќи тогаш се поднесуваат најмногу барања за раскинување на бракот.Според статистика првиот месец од годината како целина е мрачен за браковите, бидејќи најчесто во јануари луѓето „брзаат” да се разведуваат или се впуштаат во вонбрачни авантури, соопшти „Дејли стар”.
Првата работна недела на јануари и најчесто првиот работен ден по празниците се работни за бракоразводните адвокати.
-Стресот, на кој биле подложени многу парови во празничниот период, во крајна линија доведува до зголемување на разводите во почетокот на новата година – објаснува Аманда МекАлистер од правната фирма „Слејтер и Гордон”.
Од друга страна, од сајтот Илиси Енкаутерс за запознавање на семејни луѓе сметаат дека во првата работна недела од новата година многу луѓе почнуваат вонбрачна афера. Причината повторно е стресен празничен период, кој поттикнува истовар од тензиите преку неверство.
Јануари е и месецот во кој најмногу Британци бараат среќа со нов партнер. Сведоштво за тоа е зголемената со 75 проценти активност во посредничките сајтови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
