Напаѓачот на италијанскиот шампион Јувентус, Симоне Заза, се наоѓа на излезни врати од клубот, а управата на „бјанконерите“ не смее да губи време, и веднаш ја пронајде неговата замена. Тоа е фудбалерот на Фулам, Муса Дембеле.
За Симоне Заза интерес постои од премиерлигашот Вест Хем, а и самиот фудбалер минатата недела побарал да си замине, и веројатно такво нешто ќе се случи во наредните неколку денови. На челниците на Јувентус не им требаше долго време да „пикираат“ играч кој ќе дојде на местото на Заза.
Со парите што ќе ги добие од трансферот на Заза, тимот од Торино ќе се обиде да го ангажира Дембеле, кој оваа сезона настапи на 22 натпревари, постигнувајќи девет погодоци. Доколку сака да заработи на Дембеле, тимот од Англија ќе мора да го продаде својот фудбалер оваа зима, бидејќи неговиот договор истекува следното лето.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
