Голден стејт победи без помошта од Кари, Данкан за првпат во кариерата не постигна кош (видео)

Акутлениот НБА шампион, екипата на Голден Стејт успеа да го победи Денвер по едно продолжение со 111-108. Најдобриот играч Стефон Кари по пауза од два меча се повреди уште во првото полувреме и не настапи до крајот на натпреварот. Најефикасен во победничкиот тим беше Дрејмонд Грин, кој оствари трипл-дабл од 29 поени, 17 скокови и 14 асистенции. Клеј Томпсон придонесе со 26 поени во 31. победа сезонава на „воините“, додека кај поразениот Денвер најефикасен беше Италијанецот Галинари со 24 поени.

– Кари е МВП на лигата и нормално дека ни е потребен. Тоа не е тајна, но некои други момци се издигнаа и одиграа како треба – рече Грин, кој го оствари шестиот трипл-дабл во кариерата.

Сан Антонио ја продолжи одличната серија на домашен терен, па остана непобедлив дома забележувајќи ја 20-та победа над Хјустон Рокитс со 121-103 за скор од 29-6, но во триумфот Тим Данкан запиша еден лош момент во својата кариера – првпат по 19 години не запиша поени.
Данкан имаше скор 0/3, а неговата статистика ја дополнија 4 скока и 2 асистенции. Но, Спарс постигнаа рекордни сезонава 13 тројки, од кои шест беа дело на Дени Грин од осум обиди. Олдриж погоди 24 поени со 9 скока, Ленард даде 22 со шест скока, а Борис Диао имаше 20 поени и 8 скокови.

НБА резултати:

ЛА клиперс – Филаделфија 130-99, Голден стејт – Денвер 111-108 (по прод.), Јута – Мемфис 92-87 (по прод.), Минесота – Милвоки 85-95, Сан Антонио – Хјустон 121-105, Далас – Њу Орлеанс 98-105, Шарлот – Оклахома 90-109, Кливленд – Орландо 104-79, Сакраменто – Феникс 142-119, Бостон – Бруклин 97-100.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.