Екипата на Ливерпул славеше голема победа на „Енфилд Роуд“ минимално со 1-0 над лидерот на табелата во премиерлигата, екипата на Лестер.
Јирген Клоп одлично ја прочита играта на Клаудио Раниери и не дозволи напаѓачите на Лестер да дојдат до изгледна шанса за гол. На спротивната страна „црвените“ успеаја да упатат дури 23 удари кон голот на Шмајхел, а единствениот погодок беше дело на резервистот Бентеке во 63.минута.
Со оваа победа Ливерпул ја прекина низата на Лестер без пораз која траеше цели три месеци, односно од 26.септември.
Лестер останува на врвот на табелата со два бода предност пред Арсенал кој има натпревар помалку, оној против Саутемптон кој го игра во вечерниот термин од 20.45 часот
Christian Benteke Goal – Liverpool 1-0… by Video-Live
На вториот поинтересен дуел Челси на домашен терен не успеа да го победи Вотфорд (2-2). На дебито на Хидинк „сините“ имаа шанса да триумфираат, но Оскар промаши пенал во 80 минута и му го загорчи првиот меч на искусниот стратег. Двата гола за Челси ги постигна Диего Коста, додека за гостите стрелаа Дини и Ихало.
All Goals HD – Chelsea 2-2 Watford – 26-12-2015… by Video-Live
Oscar (Penalty missed) Goal – Chelsea 2-2… by Video-Live
На останатите средби фаворитите Манчестер сити и Тотнем славеа над Сандерленд и Норич, Свонси минимално го совлада ВБА, додека на дуелите Бурнмаут-Кристал палас и Астон вила-Вест хем немаше победник.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
