Научнофантастичната хорор-драма „Виктор Франкештајн“ на чиишто визуелни ефекти работеше и македонската компанија „ФХ3Х“ од следната недела, 30 декември, ќе се прикажува во Скопје.
Според косопственикот на „ФХ3Х“ Кристијан Даниловски, на овој филм работеле во февруари, а биле ангажирани 20 луѓе.
Филмот е во режија на Пол Мекгинан, по сценарио на Макс Лендис работено според новелата на Мери Шели од 1818 година.
Според содржината, додека трагаат по делови на тела од животни во лондонскиот циркус, радикалниот научник Виктор Франкештајн се запознава со надарениот хирург Игор Штросман. Брилијантниот доктор не само што ќе му понуди на Штросман пријателство, туку и можност да работи со него на фантастично откритие кое засекогаш ќе го промени светот. Кога Виктор експериментира со животот и смртта само Игор може да го врати од работ на лудилото и да го спаси од неговата монтсруозна креација.
Главните улоги ги толкуваат Даниел Ретклис, Џејмс Мекавој и Џесика Браун Финдли.
Филмот премиерно беше прикажан на 25 ноември годинава во САД.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
