Новицки го мина Шек на вечната листа, Кливленд во дербито подобар од Њујорк (видео)

Германската кошаркарска легенда и член на Далас во НБА лигата, Дирк Новицки постигна 22 поени во победата над Бруклин од 119-118 по едно продолжение.
Со тоа крилниот центар се искачи на шестото место на вечната листа на поентери со 28.609 поени и го мина поранешниот играч на Орландо, Лејкерс, Мајами, Бостој и Феникс, Шекил О’Нил. На Новицки му беа потребни девет поени за да го достигне Шек, а следен на листата е Вилт Чемберлен со 2810 поени повеќе, бројка која тешко ќе биде достигната.

Мечот заврши по едно продолжение, а токму Германецот беше тој што го постигна последниот кош на 20 секунди до крајот. Бруклин имаше шанса да врати во последниот напад, но не ја искористи шансата. окрај Новицки, одличен натпревар одигра и Бареа кој реализира 32 поени и 11 асистенции, додека кај Бруклин, прв стрелец беше Јанг со 29 поени и доста солиден шут од поле – 14/20.

Дербито на вечерта се играше во Кливленд каде Кавалирс славеа против Њујорк со 91-84. Леброн Џејмс повторно беше најдобар на теренот со 24 поени, девет скока и пет асистенции, но имаше извонреден ривал во летонскиот центар на Њујорк, Кристапс Порзингис. Дебитантот во НБА постигна 23 поени и 13 скока и целосно го надополни отсуството на Кармело Ентони кој не играше поради повреда.

НБА резултати:

ЛА Лејкерс – Оклахома 85-120, Голден Стејт – Јута 103-85, Феникс – Денвер 96-104, Милвоки – Филаделфија 113-100, Минесота – Сан Антонио 83-108, Њу Орлеанс – Портланд 115-89, Орландо – Хјустон 104-101, Шарлот – Бостон 89-102, Индијана – Сакраменто 106-108, Кливленд – Њујорк 91-84, Вашингтон – Мемфис 100-91, Бруклин – Далас 118-119.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.