„Топчиите“ славеа во дербито против Манчестер Сити (видео)

Дербито во 17.коло во Премирелигата се одигра во Лондон меѓу екипите на Арсенал и Манчестер сити. Во последниот натпревар „топчиите“ сосема заслужено славеа со 2-1 над еден од главните ривали за шампионската титула оваа сезона.
Избраниците на менаџерот Арсен Венгер триумфот го осигураа во првото полувреме кога и ги постигнаа двата погодоци. Најпрво Тео Волкот стрелаше во 33. минута, а потоа Гиру зголеми на 2-0 со погодок во судиското продолжение од првиот дел.
Во второто полувреме, „граѓаните“ успеаја со фантастичен гол на Јаја Туре во 82.минута единствено да го ублажат поразот за конечни 2-1.

По овој триумф, Арсенал со 36 бода повторно се врати на само два бода од водечкиот Лестер, а оставајќи го Манчестер сити на третата позиција со 32 бода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.