Дурант ги реши Клиперс, ѕвездата на Оклахома имаше свое шоу во Лос Анџелес (видео)

Екипата на Оклахома стигна до голема победа на гостувањето во Лос Анџелес против Клиперс од 100-99, а свое шоу имаше ѕвездата на „Тандерс“, Кевин Дурант кој иако имаше лош процент на шут од поле (10-24) сепак го реши натпреварот во самиот финиш. Тој при резултат 99-98 за Клиперс постигна кош со една рака преку човек, а во последниот напад за домаќините го блокираше шутот на Крис Пол во следниот напад.

– Како дете, сонував да погодувам шутеви за победа. Блокадата исто така беше добра за тимот, но шутевите за победа се она што ме тера напред и ќе продолжувам да ја превземам одговорност и во иднина – изјави Дурант по мечот.

Тој го заврши натпреварот со 24 поени, 9 скокови и 7 асистенции, а најефикасен кај Оклахома повторно беше Расел Вестбрук, реализирајќи 33 поени и 7 асистенции.

Сан Антонио ја продолжи перфектната серија на домашен терен, совладувајќи ја Индијана со 106-92. По израмнетото прво полувреме, спарси блеснаа во вторите 24 минути, кога ја создадоа убедливата предност. Леонард беше главна фигура со 24 поени, но и со одлична одбрана со која го задржа Пол Џорџ на само седум поени.

НБА резултати:

Њујорк – Орландо 99-109, Вашингтон – Сакраменто 113-99, Бостон – Минесота 113-99, Атланта – Портланд 106-97, Чикаго – Бруклин 102-105, Хјустон – Шарлот 102-95, Сан Антонио – Индијана 106-92, Јута – Феникс 110-89, ЛА клиперс – Оклахома 99-100.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.