Еден од најдобрите играчи на Арсенал, Месут Озил, се врати во препознатливата форма кога настапуваше за Реал Мадрид. Во тој период одлично соработуваше со Жозе Мурињо, кој според Озил, доби неочекуван отказ од Челси минатата недела.
Германскиот репрезентативец смета дека Челси е страната која многу загубила и се надева дека Мурињо многу брзо ќе најде нов клуб.
Во англиските медиуми се шпекулира дека токму Мурињо е наследникот на Луис Ван Гал на тренерското место во Манчестер јунајтед. Мурињо и од порано не ги криеше симпатиите дека посакува еден ден да биде менаџер на „црвените ѓаволи“. Тоа беше во периодот кога сер Алекс Фергусон најави пензија.
– Изненаден сум со тоа што се случи со Жозе Мурињо. Тој е одличен менаџер, и верувам дека каде и да замине ќе направи огромен успех. Тој е човек што секогаш го штити својот тим, и тимот го штити Мурињо, и навистина е „специјален“. Се обидува да го извади најдоброто од секој фудбалер, и му посакувам среќа каде и да замине – изјави фудбалерот на Арсенал.
Озил и Мурињо заедно во Реал Мадрид освоија три титули, после тоа Мурињо замина во Челси, додека, пак, Озил ги засили редовите на Арсенал.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
