СВР Скопје поднесе кривична пријава против М.С.(46) од Скопје, поради постоење основано сомнение за извршено кривично дело ,,кражба“, за што од страна на судија на претходна постапка одредена му е мерка притвор во траење од осум дена.
Кривичното дело пријавениот го извршил на 4 декември околу 19 часот во „петка“ кој сообраќал на релација Центар-Ѓорче Петров, каде истиот искористувајќи ја гужвата и невниманието на оштетената и ја отворил чантата и со протнување на раката и одзел еден паричник во кој имало 280 денари. Во моментот на извршувањето на кривичното дело пријавениот бил забележан од граѓанин кој успеал да го совлада и да му го одземе паричникот, по што на автобуска постојка во населбата Ѓорче Петров бил приведен од страна на полициски службеници од единицата Алфа, информираат од полицијата.
Инаку М.С. е познат сторител од областа на имотни деликти, за што досега му биле поднесени 12 кривични пријави за извршени вкупно 15 џепни кражби и кражби на дрзок начин.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
