Основното јавно обвинителство Велес издаде наредба за спроведување истражна постапка против едно лице за кривично дело разбојништво од чл.237 од Кривичниот законик.
Осомничениот вчера со фантомка на главата влегол во куќа кај жена на возраст од 80 години и и вперил пиштол, барајќи пари. Жената му рекла да си оди и дека нема пари. Во тој момент, осомничениот го исекол кабелот од фиксниот телефон и ја врзал жената. Од ташна во плакарот одзел 9.000 денари и си заминал. Жената успеала да се ослободи и да се јави во полиција.
Осомничениот е приведен, по што е извршено и препознавање од страна на оштетената. По предлог на надлежен јавен обвинител од Основното јавно обвинителство Велес, судија на претходна постапка на осомничениот му одреди мерка притвор во траење од 30 дена поради опасност од бегство и можност да го повтори делото.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
