Оклахома продолжува со серијата победи над Лејкерс (видео)

Оклахома продолжува со низата на победи на Лејкерс. Во синоќешниот дуел Дурант и другарите буквално го торпедираа тимот од Лос Анџелес (118-78) нанесувајќи му го петтиот пораз во меѓусебните дуели од истотолку натпревари.
Без помош и на повредениот Коби Брајант, ЛА Лејкерс го доживеа петтиот пораз во низа од Оклахома. Кој ќе биде победник на дуелот се почувствува од самиот старт откако домашните првата четвртина ја добија со 20 поени разлика. Кевин Дурант мечот го заврши со 22 поени и 8 скока, додека Кантер имаше „дабл-дабл“ од 19 поени и 14 скока.

Ништо подобро не мина и втората екипа од Лос Анѓелес. Подобар од Клиперси беше Хјустон, и тоа со просечна партија на најдобриот играч Харден кој постигна „само“ 18 поени.

Во останатите мечеви Њујорк славеше против Чикаго, а неизвесност немаше ниту во Мемфис каде Индијана го положи оружјето.

НБА резултати: Оклахома – ЛА Лејкерс 118-78, Вашингтон – Шарлот 109-101, Њујорк – Чикаго 107-91, Мемфис – Индијана 96-84, Хјустон – ЛА Клиперс 107-97

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.